Tjaldstæði
Tjaldstæðið á Drangsnesi
Tjaldstæðið á Drangsnesi er staðsett fyrir ofan þéttbýliskjarnann Drangsnes í Strandasýslu við norðanverðan Steingrímsfjörð. Tjaldstæðið er opið frá 1. maí til 30. september.
Þjónusta:
Þjónusta:
- Góð hreinlætisaðstaða og sturtur eru við tjaldstæðið
- Rafmagn er víða á svæðinu og ættu flestir að komast í rafmagn
- Þvottavél og þurrkari eru á staðnum
- Íþróttavöllur er við tjaldstæðið og nýlega er kominn ærslabelgur
Tjaldstæðið á Drangsnesi er fyrst og fremst fjölskyldusvæði því eru ferðalangar beðnir um að takmarka akstur um svæðið og sýna öðrum tillitssemi. Ölvun og háreysti veldur tafarlausri brottvísun.
Ef stærri hópar en 4-5 einingar óska eftir að nýta sér aðstöðuna á Drangsnesi þarf að hafa samband við umsjónarmann og athuga fyrst með laust pláss, í framhaldi á því er úthlutað plássi.
Gjaldskrá
Gjald | |
---|---|
17 ára og eldri | 2.000 kr. nóttin |
16 ára og yngri | Frítt |
Rafmagn | 1000 kr. nóttin |
Sturta | 400 kr. |
Þvottavél | 400 kr. |
Þurrkari | 400 kr. |



Laugarhóll
Tjaldstæðið á Laugarhóli er staðsett til hliðar við Hótel Laugarhól í Bjarnarfirði. Tjaldstæðið er opið frá 1. júní til 1. september.
Þjónusta:
Rennandi vatn og salerni
Ylvolg sundlaug og náttúrupottur skammt frá
Hundar leyfðir
Veitingahús er á Hótel Laugarhóli
Gjaldskrá
Gjald | |
---|---|
13 ára og eldri | 1.000 kr. nóttin |
6 til 12 ára | 500 kr. nóttin |
Börn undir 6 ára aldri | Frítt |
Tjaldstæðið í Hveravík
Tjaldstæðið í Hveravík er lítið en vel búið tjaldsvæði sem tekur um 10 - 15 hjólhýsi/ferðabíla.
Hveravík er í um 6 kílómetra fjarlægð frá Drangsnesi og 27 kílómetra fjarlægð frá Hólmavík.
Þjónusta:
- Hægt er að tengjast rafmagni
- Heitur pottur er framan við skemmuna Söngstein
- Búningsklefar eru úti og salernisaðstaða ásamt sturtu
- Í Söngsteini er góð aðstaða til að borða inni

